‘A CURSA poesia di Gennaro Nicolò

di Gennaro Nicolò

| Pubblicata il: 02/05/2013 - 15:26:24

Letto 6235 volte

Vota questo articolo: 261

Era picciriddu, e mi ricordo
comu fussi ora...
me patri.
Già, me patri chi lavurava notti e gghiornu pi purtari i picciuli 'ncasa!
E me matri chi lu spittava finu a tardu pi cunzari a tavula e manciari!
Me patri sulu un piaciri l'annu si passava... e non ci putia nenti e nuddu.
Annava a vidiri ‘a cursa...  ‘a Targa Floriu e Ninu Vaccarella.
Stu pilota cussi amatu di la Sicilia intera, cchiu di quantu iddu stissu avissi mai cridutu.
Era comu Robin Hood o D'Artagnan.
‘A iurnata da cursa me patri mi pigghiava forti ca' manu.
“Forza Francuzzu,  è ura”...  
e si partia a pigghiari u postu... sempri u stissu annu dopu annu... e parrava, parrava...
di tutti i cursi chi s'avia vistu
di quannu Vaccarella vincia,
o avia pirdutu o magari
ca macchina s'avia sfasciatu e l'avia lassatu a pedi strati strati.
A fini da’ cursa, si Vaccarella
non avia vinciutu, già parrava
da cursa di l'annu dopu, e dicia:
"Vidi Francuzzu, ci misiru tutti i stenti pi farlu perdiri,'ciaccuppiaru puru nu
pilota chi non canuscia i strati, ma porca miseria, l'annu prossimu, e poi u vidi,
ci farà un culu accussi a tutti!
Fra du jorna ci sarà ‘a Targa Floriu,
e mi venunu in menti ‘sti cosi:
me patri, Vaccarella e ‘u preju di la genti tutta.
'Na lacrima di me occhi sauta fora... e jò la lassu annari.

Gennaro Nicolò


La poesia è di Gennaro Nicolò dedicata a mio padre Stefano e recitata da me in presenza di NINO VACCARELLA . Milazzo, Maggio 2010.
 Francesco Alosi
 

< Torna indietro

© Palermomania.it - Il portale di Palermo a 360°

Vota questo articolo: 261

Lascia un tuo commento

Questo articolo ha ricevuto commenti!