Rusulia - Giovanni Mattaliano

di Palermomania.it

| Pubblicata il: 14/07/2016 - 23:22:38

Letto 2677 volte

Vota questo articolo: 249

Rusulia figghia di nobili genti palermitani
ca crisciu ntà li fasci d’oru, nenti ci mancava e di so biddizzi sò matri si nni priava

Criatura bedda di cori e china di vita, fu chiamata alla corti di la regina Margherita
Tutti i cavaleri ,duca, conti e baruna vidennu stu raggiu di suli ristarunu n’cantati e senza ciatu

So patri ,u conte Sinibaldi p’aumintari lu so putiri ,o conte Baldovino c’ha vulia cunsignari
Ma u sò cori era divotu o Signuruzzu
sula e comu una picuredda, lassò li ricchizzi e si misi ‘ntà li manu ri Diu

Dedicò chiddu chi c’arristò da sò vita, a priari a Cristu facennu l’eremita
Puviredda Rusulia, rintra a grotta da Quisquina, nenti avia ma si sintia na regina

Ma u sò cori ci diceva , ca Palermu la vuleva
cu crucifissu n’te manu e u signuruzzu ca l’accumpagnava

Stanca e morta di fami a munti Piddirinu arrivava
Pocu anni passarunu dintra dda grutta

Malatedda e marturiata la sò anima iu a truvari lu so sposu Gesù Cristu
Era u 4 settembre 1166 quannu u tò viaggiu ntà sta terra si concludiu
E tu Rusulia c’addivintasti la nostra Prutittrici e stai vicinu a Diu,
quantu grazie e miraculi c’addumanni o Signuruzzu pi putiri salvari a chiddi cu to stessu sangu

Tutti i palermitani divoti e cu raggia di cori t’addumanna na grazia
Liberacci di sta nuova peste ca sta marturiannu sta città
Santa Rusulia fa truvari u travagghiu a tutti i figghi di matri
Virginedda Gluriusa e Pia
Viva Santa Rusulia

Giovanni Mattaliano

< Torna indietro

© Palermomania.it - Il portale di Palermo a 360°

Vota questo articolo: 249

Lascia un tuo commento

Questo articolo ha ricevuto commenti!